Rusiyadan ABŞ-ın müsadirə qərarına MÜNASİBƏT

“ABŞ Konqresinin qəbul etdiyi qanun Rusiya iqtisadiyyatına təsir etməyəcək”.

Publika.az">Publika.az xəbər verir ki, bu fikri Rusiya Dövlət Dumasının sədri Vyaçeslav Volodin Teleqram kanalında bildirib.

“ABŞ Konqresinin Nümayəndələr Palatası Rusiya şirkətlərinin və vətəndaşlarının dondurulmuş aktivlərinin Ukraynaya verilməsinə icazə verən qanun qəbul edib. Bu qərar ölkəmizin iqtisadiyyatına təsir etməyəcək. Zəngin vətəndaşların zəbt olunmuş yaxtaları, villaları və digər əmlakları iqtisadiyyatın inkişafı üçün fəaliyyət göstərməyib”, - Volodin qeyd edib.

O əlavə edib ki, qəbul edilmiş qanun təhlükəli presedent yaradır.

Volodin Rusiyada yerləşən qeyri-dost ölkələrdən olan vətəndaşların bizneslərinin müsadirə olunmasını xarici dövlətlərin öz ərazisində Rusiya biznesinə münasibətdə oxşar hərəkətlərinə güzgü cavabı olaraq düzgün hesab edir.

“Bu aktivləri müsadirə edin. Satışdan əldə olunan gəliri isə ölkəmizi inkişaf etdirmək üçün istifadə edin”, - Dumanın spikeri qeyd edib.