Aİ sanksiyaları pozmadan Rusiya qazını BU YOLLA əldə edəcək

Avropa İttifaqı qaz idxalçılarına Rusiya yanacağını alarkən sanksiyaları pozmamağa və Rusiya Prezidenti Vladimir Putinin rublla ödəniş tələblərini “səmərəli şəkildə yerinə yetirməyə” imkan verəcək həll yolu təklif edəcək.

Publika.az xəbər verir ki, bu barədə “Bloomberg” mənbələrə istinadən məlumat yayıb.

Nəşrin məlumatına görə, Avropa Komissiyası şirkətlərdən mövcud müqavilələr üzrə avro və ya dollarla ödəniş edərkən öhdəliklərini yerinə yetirilmiş hesab etdikləri barədə dəqiq açıqlama vermələrini istəyəcək. Aİ-nin icra orqanı qapalı iclasda hökumətlərə bildirib ki, rəhbərlik şirkətlərə “Qazprombank” da hesab açmağa mane olmur və sanksiyalara uyğun olaraq qaz almağa icazə verir.

“Digər əsas məqam ondan ibarətdir ki, Avropa şirkətləri avro və ya dollarla ödəniş etdikdən və öhdəliklərini yerinə yetirdiklərini bəyan etdikdən sonra Rusiya tərəfdən ödənişlə bağlı əlavə addımlar tələb olunmamalıdır” - “Bloomberg” yazıb.

Daha əvvəl bildirilib ki, Avropa Komissiyası Rusiyadan tədarükün dayandırıldığı halda hökumətlərə istehlakçılar üçün qaz qiymətlərini məhdudlaşdırmağa icazə verməyi planlaşdırır.