Dünya

Planetimiz TƏHLÜKƏDƏ: "Bürc Xəlifə"dən iki dəfə böyük asteroid GƏLİR

25 May 2022 22:36

Ölçüsü dünyanın ən hündür binası olan "Bürc Xəlifə"dən iki dəfə böyük olan asteroid Yer kürəsinə doğru istiqamət götürüb.

Publika.az xarici KİV-ə istinadla xəbər verir ki, bu barədə ABŞ Kosmik və Aeronavtika İdarəsi (NASA) məlumat yayıb.

Qeyd olunur ki, diametri 1,8 km olan kosmik qaya 7335 (1989 JA) NASA tərəfindən "potensial təhlükəli" kateqoriyasına aid edilib.

NASA-nın Yerə Yaxın Obyektlərin Tədqiqi Mərkəzinin məlumatına görə, asteroid bu il mayın 27-də Yerə yaxınlaşacaq. Hazırda asteroid Yerdən 0,026 astronomik vahid uzaqlıqdadır və təxminən 50.000 km/saat sürətlə hərəkət edir.

Məlumat üçün bildirək ki, 830 metr hündürlüyündə olan “Bürc Xəlifə” 2004-cü ildə tikildiyindən bəri dünyanın ən hündür binasıdır.