Qətərin keçmiş şahzadəsi İspaniyadakı evində ölü tapıldı

Qətərin 46 yaşlı keçmiş şahzadəsi İspaniyanın cənubundakı evinin yatağında ölü tapılıb.

Publika.az Musavat.com-a stinadla xəbər verir k, bu barədə İspaniya polisi rəsmi məlumat yayıb.

DİN sözçüsü Kassia Qallanionun cəsədinin bazar günü səhər, Malaqa əyalətinin Marbella şəhərindəki mənzilində aşkarlandığını bildirib.

Polis K.Qallanionun Fransada yaşayan qızlarından birinin anasının onun zənglərinə cavab vermədiyi barədə xəbərindən sonra evə gəlib.

Yaşayış kompleksində xadimənin köməyi ilə evə daxil olan hüquq-mühafizə orqanlarının əməkdaşları şahzadənin meyitini aşkar ediblər. Cəsəddə hər hansı zorakılıq əlamətləri görünməyib.

Qeyd etmək lazımdır ki, şahzadə Qallanio ABŞ vətəndaşıdır.

Fransanın “Le Parisien” qəzetinin məlumatına görə, Qallanio Qətər əmirinin 73 yaşlı əmisi Əbdüləziz bin Xəlifə Əl-Tani ilə evli olub. Onların üç övladı dünyaya gəlib. Bir müddət sonra boşanan cütlük son dövrlərə qədər övladları üzərində qəyyumluq üçün mübarizə aparırdı. Qallanio hətta keçmiş ərini qızlarından birini cinsi istismara məruz qoymaqda ittiham edirdi. “Le Parisien”in uşaqların Parisdə ataları ilə birgə yaşadığını qeyd edib.