Oğlu Zelenskiyə hərbi məsləhətlər verir

Vladimir Zelenski uşaqları ilə Ukrayna böhranı mövzusunda açıq danışır.

Publika.az">Publika.az xəbər verir ki, bunu Ukrayna Prezidenti Vladimir Zelenskinin həyat yoldaşı Yelena Zelenskaya deyib.

Ukraynanın birinci xanımı deyib ki, övladları (17 yaşlı Aleksandra və 9 yaşlı Kirill) baş verənlərdən xəbərdardırlar və Kirill hətta atasına Ukrayna Silahlı Qüvvələrinin necə hərəkət etməli olduğunu deməyə cəhd göstərir.

Zelenskayanın sözlərinə görə, prezident uşaqları ilə münaqişə haqqında danışarkən həmişə dürüst olmağa çalışır:

“Böyük qızımla hər şey daha asandır, o, artıq yetkindir. O, hər şeyi oxuyur, hər şeyi görür və bilir ki, münaqişəyə son qoymaq üçün hansı qələbələrə nail olmaq lazımdır. Oğlumla hər şey başqa cürdür, o, böyüyən politoloqdur, hər şeyi bilir, nəyi əldə etmək lazım olduğuna dair hərbi məsləhətlər verir. Və o öz atasına məsləhət verir... Hansı tanklar, təyyarələr, helikopterlər almalıyıq. Hansı ölkələr bizə pis kömək edir, hansı ölkələr bizə yaxşı kömək edir. O, hərbi ekspertdir, onunla bu mövzuda aylarla danışmaq olar”.