Dünya

Üçüncü Rammstein görüşü - Pentaqon planları AÇIQLADI

7 İyun 2022 00:00

İyunun 15-də ABŞ-ın müdafiə naziri Lloyd Ostin Ukrayna Təmas Qrupunun üçüncü təkbətək görüşünü çağırır.

Publika.az xəbər verir ki, bu barədə Pentaqonun saytında məlumat verilib.

"Müdafiə naziri Austin bir daha dünyanın müxtəlif ölkələrindən müdafiə nazirləri və baş qərargah rəislərini Ukraynada davam edən böhranı müzakirə etmək üçün dəvət edib", - tədbirin bəyanatında deyilir.

Görüş NATO-nun Brüsseldəki mənzil-qərargahında baş tutacaq. Rusiya təcavüzünə müqavimət göstərmək üçün Ukrayna ordusunun silah və sursata olan ehtiyaclarının müzakirəsi planlaşdırılır.

Xatırladaq ki, aprelin 26-da Almaniyanın Ramşteyn aviabazasında 40 ölkənin müdafiə nazirlərinin Rusiya ilə qarşıdurmasında Ukraynaya hərbi yardımın koordinasiyası üçün toplantısı keçirilib.

Nəticədə hər ay bir araya gələcək Ukraynaya dəstək üçün daimi fəaliyyət göstərən Təmas Qrupunun yaradılması razılaşdırılıb.