London küçələrində ÇILPAQ velosipedçilər - AKSİYA - FOTO

İngiltərənin paytaxtı Londonda minlərlə insan "Dünya Çılpaq Velosiped Turu" çərçivəsində velosiped sürməyin təbliği məqsədilə şəhərin mərkəzində pedal çevirib.

Publika.az">Publika.az bunu xarici KİV-lərə istinadən xəbər verir.

18-ci Dünya Çılpaq Velosiped Turu hər il London kimi böyük şəhərlərdə velosiped təhlükəsizliyini təbliğ etmək və avtomobil mədəniyyətinə qarşı kampaniya aparmaq üçün keçirilən illik tədbirdir. Çılpaq pedal çevirən iştirakçılar kampaniyalarını qlobal neft asılılığına etiraz, avtomobil mədəniyyətinin dəyişdirilməsi və şəhər küçələrində velosipedçilər üçün daha təhlükəsiz yollar kimi şüarlarla təsvir edirlər. Onların bir çoxu bədənlərinə bu şüarları yazmaqla cəmiyyətdə maarifləndirmə aparmağa çalışırlar.

Qeyd edək ki, Dünya Çılpaq Velosiped Turunda Buenos-Ayres, Melburn, Vyana, San Paolo, Vankuver, Kopenhagen, Paris, Saloniki, Tel-Əviv və Tokio da daxil olmaqla, 200-ə yaxın şəhər iştirak edir.

Xatırladaq ki, ötən il Londonda keçirilən Dünya Çılpaq Velosiped Turu, "Covid-19" tədbirlərinə baxmayaraq, yüzlərlə iştirakçını cəlb edib.