ABŞ Çinə xəbərdarlıq etdi: Moskvanın tərəfini tutanlar...

ABŞ Dövlət Departamentinin sözçüsü cümə günü Si Cinpin və Vladimir Putin arasında telefon danışığını dəyərləndirib və Çinin Rusiya ilə yaxınlaşmasından narahat olduqlarını bildirib.

Publika.az xəbər verir ki, bu barədə bəyanatı CNN məlumat yayıb: "Pekin neytral olduğunu iddia edir, lakin onun davranışı açıq şəkildə göstərir ki, hələ də Rusiya ilə sıx əlaqələrə sərmayə qoyur. ABŞ və Avropa Çini Rusiyaya hərbi yardım göstərməyin nəticələri barədə xəbərdarlıq edib".

Dövlət Departamentinin sözçüsü vurğulayıb ki, Vaşinqton Pekinin fəaliyyətini “yaxından izləyir” və “Ukraynaya qarşı ədalətsiz müharibədə Moskvanın tərəfini tutanlar qaçılmaz olaraq tarixin yanlış tərəfində tapılacaqlar".
“Dünya seyr edir və bilir ki, hansı dövlətlər azadlıq, öz müqəddəratını təyinetmə və suverenliyin əsas prinsiplərini müdafiə edir, hansı dövlətlər Rusiyanın qəsdən və səbəbsiz müharibəsində onun yanında dayanır və ya səssizcə dəstəkləyir”, - deyə departamentin nümayəndəsi yekunlaşdırıb.

Ayşən