BMT Təhlükəsizlik Şurası toplaşır - Şimali Koreyaya görə

Şimali Koreyanın son raket buraxılışlarına dair BMT Təhlükəsizlik Şurasının iclası bazar ertəsi keçiriləcək.

Publika.az xəbər verir ki, bu barədə TASS dünya təşkilatındakı mənbəyə istinadla məlumat yayıb.

Onun sözlərinə görə, iclas saat 15:00-a təyin edilib. Bundan əvvəl Yaponiyanın baş naziri Fumio Kişida bildirmişdi ki, Yaponiya Şimali Koreyanın raket buraxılışları ilə əlaqədar BMT Təhlükəsizlik Şurasının təcili iclasını tələb edir.

Yaponiya Müdafiə Nazirliyi daha əvvəl bildirib ki, Şimali Koreya bazar ertəsi səhər özünün qərb sahili ərazisindən iki ballistik raket atıb.

Fevralın 18-də Pxenyan Şimali Hokkaydo adasından 200 km qərbdə, Yaponiyanın eksklüziv iqtisadi zonasına düşmüş “Hvason-15” qitələrarası ballistik raketi buraxıb.

Şimali Koreya lideri Kim Çen In-ın bacısı fevralın 19-da ABŞ və Cənubi Koreyaya xəbərdarlıq edərək, Pxenyanın, “düşmənlərinin hər bir hərəkətini izlədiyini və hər bir düşmən hərəkətinə son dərəcə qətiyyətlə cavab verəcəyini” bildirən bəyanat yayıb.

Ayşən