Təbii olanlar süniləşdirilir - 2026-cı ildə...

Belçika Şimal dənizində təxminən altı hektar əraziyə malik dünyanın ilk süni adasını inşa edəcək və onun üzərində külək enerjisi qurğuları yerləşdiriləcək. Onlar dəniz külək fermasını qurudakı elektrik şəbəkəsi ilə birləşdirəcəklər.

Publika.az xəbər verir ki, bu barədə "Offshore Wind" yazır.

Məlumata görə, ada şahzadə Elizabetin adını daşıyacaq. Onun tikintisi üçün tenderdə Can De Nul və DEME qalib gəlib. Onlar Belçika sahillərindən təqribən 45 kilometr aralıda 3,5 GVt gücündə dəniz külək stansiyası tikəcəklər.

Ada beton kesonlarda - qumla doldurulmuş hermetik kameralarda yaradılacaq. Onun üzərində liman və təmir qrupları üçün helikopter meydançası tikiləcək.

Adanın təməli 2024-cü ildə tikilməyə başlayacaq. Bundan sonra, təxminən 2026-cı ildə yüksək gərginlikli infrastruktur quraşdırılacaq. O, külək fermasından materikdəki elektrik şəbəkələrinə elektrik enerjisi verəcək. Gələcəkdə enerji adası Belçikanın Böyük Britaniya və Danimarka şəbəkələrini birləşdirəcək.

Ayşən