Dünya

Bu seçki gələcəyimizə töhfə verəcək - Hulusi Akar

14 May 2023 15:06

Türkiyənin müdafiə naziri Hulusi Akar səsvermə prosesində iştirak edib.

Publika.az xəbər verirr ki, nazir Kayseri şəhərində seçki məntəqəsinə gedərək səs verib.

“Ölkəmizin içində olduğu mühiti qiymətləndirəndə inanıram ki, bu seçki bizim gələcəyimiz, təhlükəsizliyimiz, rifahımız və sabitliyimiz baxımından mühüm töhfələr verəcək”, - deyə Akar vurğulayıb.

Qeyd edək ki, bu gün Türkiyədə prezident və parlament seçkiləri keçirilir. Səsvermə prosesi saat 08:00-da başlayıb, 17:00-da başa çatacaq. Prezident postu uğrunda üç namizəd – hazırkı Prezident Rəcəb Tayyib Ərdoğan, Cümhuriyyət Xalq Partiyasının sədri Kamal Kılıçdaroğlu və Ata İttifaqının namizədi Sinan Oğan mübarizə aparırlar. Məmləkət Partiyasının sədri Muharrem İncə seçkilərə üç gün qalmış namizədliyini geri götürüb.

Teqlər Hulusi Akar