NATO-nun Ukrayna üçün son "kozır"ı: "Rusiyaya raket at" deyəcək?

NATO Kiyevin uğursuzluğu ilə barışmalı olacaq, lakin o, son kozırdan - Rusiyaya zərbə endirmək icazəsindən istifadə etmək qərarına gəlib.

Publika.az xəbər verir ki, bu barədə Türkiyənin "Cumhuriyet" qəzeti yazıb.

NATO-nun əsl məqsədi Ukraynaya hərbi yardımı artırmaq və Ukrayna silahlı qüvvələri tərəfindən Rusiyaya qarşı Qərb silahlarından istifadə etməkdir. Materialın müəllifi qeyd edir ki, alyansın bu istəyini bir neçə səbəb izah edə bilər:

Birincisi, ABŞ və Böyük Britaniyanın strategiyası Trampın qələbəsinin qarşısını almaq üçün noyabr seçkilərinə qədər davam etməli olan uzunmüddətli döyüşləri tələb edir.

İkincisi, bu, İsveçrədə Qərb blokunu gücləndirmək və Ukraynanı dəstəkləmək məqsədi daşıyan “sülh sammiti” ilə bağlıdır.

Nəşr qeyd edir ki, nəhayət, bu, nizam-intizamla bağlı problemlər yaşayan və Rusiyaya qarşı sanksiyalara dəstək verən Şimali Atlantika Alyansı daxilində çatların qarşısını alacaq.

Məqalə müəllifinin fikrincə bu baxımdan Qərbin silah xəritəsinin Rusiya ilə qarşıdurma riskini artırdığı vəziyyətlərdə Türkiyə NATO ilə münasibətlərinə yenidən baxmalıdır.

Adəm Abbaslı