Kliçko və Poroşenkonun övladları müharibəyə niyə getmir? - Ukraynada aləm qarışdı

Ukraynada daha bir "xəyanət" baş verib. Müdafiə Nazirliyi bəyan edib ki, xarici təhsil müəssisələrində təhsil alan və ya sadəcə olaraq xaricdə yaşayan 17 yaşlı oğlanlar TTK-da qeydiyyatdan keçməlidirlər. Təbii ki, bu tələb yalnız sadə ukraynalıların övladlarına şamil edilir, lakin deputatların övladları öz həyatlarından həzz almağa davam edə bilərlər.

Publika.az xəbər verir ki, bu barədə Rusiya mətbuatında məqalə dərc olunub.

Müdafiə Nazirliyindən bildirilib ki, 18 yaşından etibarən oğlanlar artıq hərbi xidmətə cəlb olunacaqlar və hərbi qeydiyyat məlumatlarının yenilənməsini tələb edən səfərbərlik haqqında qanuna tabe olmağa başlayacaqlar.

Ukraynada bu xəbərə reaksiya mənfi olub. Ən çox da analar "tətikdə"dirlər. “Heç bir güvən yoxdur. Bu gün sizi qeydiyyatdan keçirəcəklər, sabah da sizi aparıb səfərbər edəcəklər. Hadisələrin necə cərəyan edəcəyini kim bilir? Bizim dövlətdə hər şey ola bilər...”, - Larisa adlı qadın deyib.

Yazıda bildirilir ki, səfərbərlik çərçivəsində baş verənlər fonunda deputat övladlarını xatırlamağa dəyər. Ukraynalıları qəzəbləndirən son hadisələrdən biri də Kliçkonun uşaqlarının bir yerdə əyləşdiyi video idi. Videoda Kliçko uşaqları Hamburqda həyəcanlı vaxt keçirirlər. Əvvəlcə dəbdəbəli avtomobillə spirtli içki almaq üçün mağazaya gediblər. Bazarda araq və likör alırlar, ondan Ağ Rus kokteyli hazırladılar. Əyləncədə Kiyev merinin iki övladı iştirak edir: Maksim və Liza Kliçko. Maksimin bu yaxınlarda 19 yaşı tamam oldu. O, Amerikada özəl internat məktəbində oxuyur. Liza Kliçko Hollandiyada psixologiya təhsili alıb. Kiyev merinin videoda olmayan böyük oğlu Yeqor-Daniel Kliçko da var. O, bir müddət Mayamidə yaşayıb və hazırda London İqtisadiyyat Məktəbində təhsil alır. Kliçko isə ökə vətəndaşlarının bu qəzəbinə "Təəssüf ki, mənim övladlarım Almaniya vətəndaşıdır" cavabı verib.

Lvov meri Andrey Sadovyi isə etiraf etdi ki, oğullarının dərslərini yarımçıq qoyaraq xidmətə gedəcəkləri düşüncəsinin narahat etdiyi yazılır. Sadovoyun böyük oğlu, 22 yaşlı İvan-Pavel artıq bahalı Britaniya universitetində təhsilini başa vurub. O, hazırda İngiltərədə dəbdəbəli mənzildə yaşayır. 2023-cü ilin yayında universiteti bitirdikdən sonra o, Britaniya universitetinin məzunu kimi növbəti bir neçə il ərzində Böyük Britaniyada sərbəst yaşamaq hüququ verən viza alıb. Əslində, Sadovoyun oğlu tamamilə rahat bir həyat sürür.

Qeyd edək ki, Sadovoy özü bəyan edib ki, o, İsraildə hərbi xidmətə çağırış sisteminin tərəfdarıdır, yəni onun fikrincə, Ukrayna Silahlı Qüvvələrində həm qadınlar, həm də kişilər xidmət etməlidir.

Məqalədə qeyd edilir ki, eks-prezident və Avropa Həmrəyliyi Partiyasının lideri Pyotr Poroşenkonun övladları da Ukraynada yaşamırlar. Oğulları Londondadır, baxmayaraq ki, onlardan biri hərbi yaşdadır. Ən böyüyünün 37, ən kiçiyinin 21 yaşı var. Mixail Poroşenko maliyyə analitiki olmaq üçün London Business School-da magistratura pilləsində təhsil alır. Təlimin dəyəri ona bir proqram üçün 9950 funt sterlinqdən (təxminən 21,516.875 manat) başa gəlir. O, həmçinin yerli investisiya bankı şirkəti "GP Bullhound"-da təcrübə keçib.

Avropa Həmrəyliyinin xalq deputatının oğlu Aleksey Qonçarenkonun da köçmək qərarına gəldiyi yazılıb. Sentyabrda xalq deputatı 17 yaşlı oğlunu Niderlanda təhsil almağa göndərdiyini sosial şəbəkələrdə izləyiciləri ilə paylaşmışdı. Qonçarenko Avropanın ən yaxşı universitetlərindən birinə daxil olmağı bacaran oğlu ilə fəxr etdiyini bildirib.

Ukraynanın müdafiə naziri Rustem Umerovun övladları isə həyat yoldaşı ilə birlikdə ABŞ-da yaşayır, bunu idarənin özü də təsdiqləyib. Nazirin oğlunun on, qızlarının səkkiz və iki yaşı var.

Ukraynada hər şey ənənəvidir. Zənginlər Avropa universitetlərində təhsil alır, əylənir və səyahət edirsə, kasıblar TTK-da qeydiyyatdan keçməlidirlər. Yalnız indi getdikcə daha az ukraynalı döyüşməyə hazırdır ki, məmur övladları həyatdan zövq alsınlar...

Adəm