Dünya

Polisdən mafiya əməliyyatı: 25 nəfər saxlanıldı

6 Dekabr 2024 15:08

İtaliyada “Ndrangheta” mafiya təşkilatını hədəf alan əməliyyatda aralarında rahibə də daxil olmaqla 25 şübhəli saxlanılıb.

Publika.az xəbər verir ki, “BBC”nin məlumatına görə, əməliyyatda saxlanılanlar arasında yerli siyasətçilər də var.

Saxlanılanlardan əlavə, 1,8 milyon avro dəyərində əmlak da müsadirə olunub. 57 yaşlı rahibə Anna Donellinin həbsxanalarda mənəvi dəstək vermək səlahiyyətindən istifadə edərək mafiya üzvləri arasında informasiya daşıdığı iddia edilir.

Donelli Breşia Prokurorluğu tərəfindən aparılan istintaq çərçivəsində ev dustaqlığına buraxılıb.

Qeyd edək ki, sözügedən təşkilatın fəaliyyətinə narkotiklərin qanunsuz dövriyyəsi, çirkli pulların yuyulması, hədə-qorxu ilə pul tələb etmək və dövlət tenderlərinin saxtalaşdırılması daxildir. Onların illik gəlirinin 50 milyard avro olduğu təxmin edilir.

Roza