Türkiyə bu ölkəyə minlərlə kamikadze göndərdi

Türkiyədə istehsal olunan minlərlə "Skydagger" kamikadze dronları Priştina Beynəlxalq Hava Limanına çatıb.

Publika.az xəbər verir ki, bu barədə Kosovo hökumətinin başçısı Albin Kurti "Facebook" səhifəsində məlumat verib.

Kurtinin sözlərinə görə, bu qabaqcıl dronlar "Skydagger"in əsas istehsalçısı olan Türkiyənin "Baykar" şirkəti ilə ötən ilin dekabrında imzalanmış müqavilənin bir hissəsidir.

Pilotsuz təyyarələrin 2026-cı ilin yanvarında gəlməsi planlaşdırılırdı, lakin üç ay tez gəlib. Kosovo Təhlükəsizlik Xidmətinin onlarla əsgəri onlardan istifadə etmək üçün artıq təlim keçib.

“TB2 Bayraktar" və "Puma" pilotsuz təyyarələri ilə birlikdə bu pilotsuz uçuş aparatları kontingentini əldə etməklə, yeni texnoloji irəliləyişlərə və müasir döyüş taktikalarına uyğun qabiliyyətli və koordinasiyalı qüvvə yaratmaq məqsədi ilə ordumuzun zərbə gücünü artırmağa davam edirik”, - deyə Kurti yazıb.

Pilotsuz təyyarələr Kosovonun keçən il aldığı "Rheinmetall" çoxməqsədli yük maşınlarına yüklənib.

Xatırladaq ki, Kosovo sentyabrda Serbiyanı dronlarla hava məkanını pozmaqda ittiham etmişdi.

Adəm