ABŞ-ın casus təyyarəsi Rusiya səmasında: General uçuşun məqsədini açıqladı

Amerika kəşfiyyat təyyarəsi mövqeləri aşkar etmək və Rusiya hava hücumundan müdafiə sistemlərinin hazırlığını yoxlamaq missiyasını yerinə yetirərkən Rusiyanın hava məkanını qəsdən pozmuş ola bilər.

Publika.az xəbər verir ki, bu nəzəriyyəni “News.ru”ya verdiyi müsahibədə "Rusiya zabitləri" qrupunun rəhbəri, aviasiya general-mayoru Sergey Lipovoy səsləndirib.

O, bütün Şərq yarımkürəsindəki uçuş marşrutunun planlaşdırılmış təxribata işarə olduğunu vurğulayıb.

Mütəxəssis ölkənin hava məkanına daxil olan təyyarənin marşrutunun təsadüfi olmadığını və sırf hərbi xarakter daşıdığını iddia edib. Ekspert bildirib ki, dünya üzrə bu cür genişmiqyaslı uçuşlar, çox güman ki, kəşfiyyat təyyarəsi ilə həyata keçirilə bilər:

“O, Amerika bazasından bir neçə AB və NATO ölkəsinin hava məkanını keçmək və qismən Rusiya səmasını kəsmək missiyası ilə qalxıb".

General əlavə edib ki, missiyanın əsas məqsədi real münaqişə baş verərsə, Rusiyanın cavab texniki parametrləri barədə məlumat toplamaq olub: "O, çox güman ki, Rusiyanın cavabını və hava hücumundan müdafiə vasitələrini sınaqdan keçirmək istəyib. Hava məkanının pozulması halında hansı tədbirlərin görüləcəyini müəyyən etmək üçün".

Ekspertlərin diqqətini uçuş monitorinqi xidməti olan “Flightradar24”ün məlumatları da cəlb edib. Məlumata görə, ABŞ hökuməti və ya hərbi qurumları tərəfindən istifadə edilə bilən təyyarə Vaşinqton yaxınlığındakı aviabazadan Qrenlandiya üzərindən uçub və daha sonra iki dəfə Rusiya hava məkanına daxil olub.

Monitorinq resursuna görə, təyyarə əvvəlcə Murmansk vilayəti yaxınlığında sərhədi keçib, sonra şimaldan cənuba doğru hərəkət edərək Orenburq vilayəti üzərindən uçub. Qazaxıstanı keçdikdən sonra Amerika təyyarəsi Özbəkistanla sərhəd yaxınlığında görülüb və orada dönüş edərək Daşkənd yaxınlığında enməyə başlayıb.

Tural