Dünya

Hazırlıqlar tamamlandı: Türkiyə və Ermənistan arasında...

13 May 2026 12:20

Türkiyə və Ermənistan arasında ticarət əlaqələrinin başlanması üçün hazırlıqlar başa çatıb.

Publika.az xəbər verir ki, bu barədə Türkiyə Xarici İşlər Nazirliyinin sözçüsü Öncü Keçeli açıqlama yayıb.

Onun sözlərinə görə, iki ölkə arasında birbaşa ticarətin başlanması üçün bürokratik hazırlıqlar 11 may tarixində başa çatıb.

“2022-ci ildən bəri davam edən Ermənistanla normallaşma prosesi çərçivəsində tədbirlər görülür. Həmçinin iki ölkə arasında ortaq sərhədin açılması istiqamətində texniki və bürokratik işlər davam edir. Yeni tənzimləmə sayəsində artıq Türkiyədən Ermənistana üçüncü ölkə vasitəsilə göndərilən malların və ya eyni marşrutla Türkiyəyə gələn malların son təyinat yerini "Ermənistan/Türkiyə" kimi qeyd etmək mümkündür", - deyə o qeyd edib.

Keçeli Cənubi Qafqazda davamlı sülh üçün tarixi fürsətin olduğunu və Türkiyənin bölgədəki bütün ölkələrin rifahı naminə iqtisadi münasibətlərin inkişafına töhfə verməyə davam edəcəyini bildirib.

Müəllif: Roza