Qadın məmurun görünüşü sosial şəbəkəni silkələdi: Məhkəməyə verə bilər - FOTO

Taylandda bələdiyyə iclasından yayılan görüntü sosial şəbəkələrdə geniş müzakirələrə səbəb olub.

Publika.az xarici mediaya istinadən xəbər verir ki, bələdiyyə iclasında iştirak edən qadın məmurlardan birinin görünüşü istifadəçilərin diqqətini çəkib. Onun parlaq makiyajı, süni kiprikləri və qeyri-adi saç düzümü fotonun qısa zamanda viral olmasına səbəb olub.

Sosial şəbəkə istifadəçilərinin fikirləri haçalanıb. Bəzi şəxslər qadının özünəinamını və fərdi üslubunu yüksək qiymətləndirərək, görünüşün işinə mane olmadığı müddətdə bunun problem yaratmamalı olduğunu bildiriblər. Digərləri isə rəsmi tədbir üçün belə makiyajın həddindən artıq olduğunu deyərək dövlət qulluqçularının xarici görünüşü ilə bağlı müzakirələr başladıb.

Müzakirələrdən sonra həmin məmur özü açıqlama verib. O bildirib ki, yayılan foto demək olar ki, redaktə edilməyib, sadəcə görüntü bir qədər işıqlandırılıb.

Qadın məmur makiyajına yönələn tənqidlərə sərt reaksiya göstərib. O qeyd edib ki, bələdiyyənin sosial şəbəkə səhifəsi qurumun fəaliyyəti barədə məlumat vermək üçündür, əməkdaşların xarici görünüşünü müzakirə etmək üçün deyil.

O, makiyajdan və süni kipriklərdən imtina etməli olması ilə bağlı tələbləri anlamadığını vurğulayıb. Məmur həmçinin təhqiramiz hücumların davam edəcəyi halda böhtana görə məhkəməyə müraciət edə biləcəyini qeyd edib.

Müəllif: Adəm