Əsədin dayısı oğluna da ölüm hökmü TƏLƏB EDİLDİ - FOTO

Dəməşqdə Bəşər Əsəd rejiminin keçmiş yüksək vəzifəli şəxslərindən biri Atef Nəcibin məhkəməsində hökm mərhələsinə keçilib.

Publika.az SANA-ya istinadən xəbər verir ki, Dəməşq Ədliyyə Sarayının Dördüncü Cinayət Məhkəməsi bu gün Atef Nəcib və digər qaçaq təqsirləndirilən şəxslərə qarşı açılmış cinayət işi üzrə hökmün elan edilməsi üçün doqquzuncu iclasını keçirir.

İclasa hakim Fəxrəddin Əl-Əryan sədrlik edir. Prosesdə respublikanın baş prokuroru Həsən Əl-Türbə, Keçid Ədaləti üzrə Milli Komitənin rəhbəri Əbdülbasit Əbdüllətif və komitənin digər üzvləri, beynəlxalq hüquqi və humanitar təşkilatların nümayəndələri, həmçinin zərərçəkənlərin yaxınları iştirak edir.

Məhkəmənin avqustun 4-də keçirilən səkkizinci iclasında prokurorluğun, ittiham tərəfinin və müdafiənin çıxışları, eləcə də təqsirləndirilən Atef Nəcibin son sözləri dinlənilib.

Dövlət ittihamçısı Atef Nəcibə ən ağır cəzanın - ölüm hökmünün verilməsini tələb edib.

Qeyd edək ki, Atef Nəcib Bəşər Əsədin dayısı oğludur.

Müəllif: Adəm