İqtisadi gündəm

Kredit faizləri artdı - Bundan sonra vətəndaşlar...

18 Sentyabr 2024 15:50

Rusiyada nağd kreditin ümumi dəyəri avqustda orta hesabla 28,7 faiz təşkil edib, sentyabrda isə 29,3 faizə yüksəlib.

Publika.az xəbər verir ki, bu barədə “İzvestiya” Birləşmiş Kredit Bürosunun (UCB) məlumatlarına istinadən yazıb.

Artıq üçüncü aydır ki, kreditləşmənin həcmi azalır. Avqustda emissiya 507 milyard rubl təşkil edib ki, bu da iyul ayı ilə müqayisədə 13 faiz azdır.

Bildirilir ki, orta kredit məbləği 175 min rubla qədər azaldı və orta müddət iki il doqquz aya qədər artdı. Beləliklə, ruslar daha uzunmüddətli və daha az kredit götürməyə başladılar.

Hesablamalara görə, avqustda 544 milyard rubl məbləğində kreditlər verilib ki, bu da iyul ayı ilə müqayisədə doqquz faiz azdır. “Novikom” bankının nümayəndəsi qeyd edib ki, avqustda təsdiq edilmiş kreditlərin sayı 40 faiz azalıb.

Adəm