Qidadan zəhərlənən 11 nəfər evə buraxıldı - YENİLƏNDİ

İyulun 15-də saat 03:00 radələrində zəhərlənmə şübhəsi ilə 11 nəfər (9 qadın, 2 kişi) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Bu barədə Publika.az-ın sorğusuna cavab olaraq TƏBİB-dən məlumat verilib.

Bildirilib ki, pasiyentlərə zəruri ilkin tibbi yardım göstərilib.

Qeyd edilib ki, hər birinin vəziyyəti qənaətbəxş qiymətləndirilərək ambulator müalicə üçün evə buraxılıb.

xxx

Şəmkir rayonunda qidadan kütləvi zəhərlənmə faktı qeydə alınıb.

Publika.az Teleqraf-a istinadən xəbər verir ki, hadisə restoranlardan birində baş verib. 11 nəfər zəhərlənmə diaqnozu ilə xəstəxanaya yeləşdirilib. Həmin şəxlər bunlardır

1-Mədinə İsmayılova (1995)

2-Sevil Cəlilova (1994)

3-Gülbəniz Cəlilova (1973)

4- Leyla Qurbanova (2007)

5 - Rüfət Qurbanov ( 1999)

6 - Türə Daşdəmirova ( 1999)

7- Famil İsgəndərov ( 1994)

8- Aysu Abbasova (2015)

9- Rüxsarə İsgəndərova (1967)

10- Fatimə İsgəndərova ( 1999) və onun həm yaşıdı Rasim Şirininov qida zəhərlənməsi diaqnozu ilə Şəmkir rayon Mərkəzi Xəstəxanasına yerləşdirilib.

İlkin ehtimala görə, həmin şəxslər məclisdə yedikləri salatdan bir müddət sonra özlərini yaxşı hiss etməyib. Faktla bağlı araşdırma başkanılıb.