Əli Kərimlinin köməkçisi Gülən işi ilə bağlı dindirilir (YENİLƏNİB)

Faiq Əmirov Fətullah Gülənin tərəfdarlarının Azərbaycanda qanunsuz hərəkətlərinin qarşısının alınması məqsədilə başlanılan cinayət işi üzrə şahid qismində dindirilir.

APA-nın əldə etdiyi məlumata görə, F. Əmirov həmin cinayət işinin araşdırıldığı Baş Prokurorluğunun Ağır Cinayətlərə Dair İşlər üzrə İstintaq İdarəsinə dəvət edilib. Hazırda onun ifadəsi alınır.

Qeyd edək ki, bir müddət əvvəl Baş Prokurorluq Türkiyədə dövlət çevrilişinə cəhddə ittiham olunan Fətullah Gülənin tərəfdarlarının Azərbaycanda qanunsuz hərəkətlərinin qarşısının alınması məqsədilə Baş Prokurorluğunun Ağır Cinayətlərə Dair İşlər üzrə İstintaq İdarəsində Cinayət Məcəlləsinin müvafiq maddələri ilə cinayət işi başlanılması barədə məlumat yayıb.

***

AXCP sədri Əli Kərimlinin köməkçisi Faiq Əmirli bu gün səhər saatlarında saxlanılıb.

“Azadlıq” qəzetinin maliyyə məsələləri üzrə direktoru olan Faiq Əmirli evinin qarşısında mülkigeyimli şəxslər tərəfindən tutulub. Onun evində axtarış aparıldığı bildirilir. (qafqazinfo)