Hadisə

Azərbaycanlının qətlinin görüntüləri yayıldı – DƏHŞƏTLİ VİDEO

31 Avqust 2016 22:51

2015-ci ildə Rusiyanın Voronej şəhərində yerləşən "Lesnaya skazka" kafesində Ukrayna vətəndaşı olan azərbaycanlının qətlə yetirildiyi anın video görüntüləri yayılıb.

Publika.az saytı "Report"a istinadən xəbər verir ki, Kamran Məmmədlinin amansız qətlinin videoyazısı bu gün - avqustun 31-də internetə yerləşdirilib.

Müşahidə kamerasından əldə olunan videoda Kamranın üç nəfərdən qaçmaq istədiyi görünür. Təqibçiləri onu küçəyə çıxarırlar, Kamran çıxışda yerə yıxılır və hücum edən şəxslərdən biri kompüterin prosessorı ilə onun başına vurmağa başlayır. Kamran başından aldığı güclü zərbələrdən sonra tərpənmir və sözügedən şəxslər sakit şəkildə maşına minərək oranı tərk edirlər.