Pele ilə bağlı ÜZÜCÜ XƏBƏR: bu orqanından şiş götürüldü

Üçqat dünya çempionu Pelenin bağırsağından əməliyyat edilərək şiş çıxarılıb.

Publika.az TASS-a istinadla xəbər verir ki, o, bu barədə "Facebook "səhifəsində yazıb .

"Şənbə günü şübhəli bağırsaq kütləsini çıxarmaq üçün əməliyyat keçirdim. Şiş keçən həftə müayinə zamanı aşkar edildi. Gələcəyə nikbin baxıram, ailəm və dostlarımın əhatəsində olmaqdan məmnunam", - futbol ulduzu bildirib.

Qeyd edək ki, Pele keçən həftə Sao Paulodakı xüsusi klinikaya müntəzəm müayinə üçün müraciət edib.

Nümayəndələrinin dediyinə görə, 80 yaşlı "futbol kralı" na sağlamlıq problemi diaqnozu qoyulub. Onlar konkret olaraq hansı problemdən bəhs etdiklərini açıqlamayıblar.

Bildirək ki, Pele, futbolda yeganə üç qat dünya çempionudur (1958, 1962, 1970). Braziliya millisi ilə 92 oyun keçirib və 77 qol vurub. Beynəlxalq Futbol Federasiyası tərəfindən 20-ci əsrin ən yaxşı futbolçusu kimi tanınıb.

Forvard Braziliyalı "Santos" (1956-1974) və Amerikalı "New York Cosmos"da (1975-1977) oynayıb.

O, karyerasında 1279 qolun müəllifi olaraq Ginnesin Rekordlar Kitabına düşüb.

Hüseyn