DÇ-2022: Xorvatiya millisi bürünc medal qazandı - YENİLƏNDİ

Qətərdə keçirilən dünya çempionatında bürünc medal qazan komanda bəlli olub.

Publika.az xəbər verir ki, üçüncü yer uğrunda oyunda Xorvatiya və Mərakeş yığmaları üz-üzə gəliblər.

Qarşılaşma Avropa təmsilçisinin 2:1 hesablı qələbəsi ilə bitib. "Damalılar"ın qollarını 7-ci dəqiqədə Yosko Qvardiol, 42-ci dəqiqədə Mislav Orşiç vurub. Afrikalıların heyətində Əşrəf Dari 9-cu dəqiqədə fərqlənib.

Beləliklə, Xorvatiya seçməsi tarixində ikinci dəfə mundialın bürünc medalına sahib çıxıb. Milli 1998-ci ildə də eyni uğura imza atmışdı.

Qeyd edək ki, DÇ-2022-nin finalında Argentina və Fransa yığmaları üz-üzə gələcəklər. Dekabrın 18-də oynanılacaq matç Bakı vaxtı ilə saat 19:00-da başlayacaq.

xxx

19:43

Qətərdə keçirilən dünya çempionatında Xorvatiya və Mərakeş yığmaları arasında üçüncü yer uğrunda oyunda üçüncü qol vurulub.

Publika.az xəbər verir ki, 42-ci dəqiqədə Avropa təmsilçisi yenidən önə keçib - 2:1.

Xorvatiya millisinin heyətində Mislav Orsiç fərqlənib.

xxx

9:10

Qətərdə keçirilən dünya çempionatında Xorvatiya və Mərakeş yığmaları arasında üçüncü yer uğrunda oyunda ikinci qol vurulub.

Publika.az xəbər verir ki, 9-cu dəqiqədə Afrika təmsilçisi hesabı bərabərləşdirib - 1:1.

Mərakeş millisinin heyətində Əşrəf Dari fərqlənib.

xxx

19:08

Qətərdə keçirilən dünya çempionatında Xorvatiya və Mərakeş yığmaları arasında üçüncü yer uğrunda oyunda hesab açılıb.

Publika.az xəbər verir ki, 7-ci dəqiqədə Yosko Qvardiol Avropa təmsilçisini önə keçirib.

xxx

19:00

Qətərdə keçirilən dünya çempionatında Xorvatiya və Mərakeş yığmaları arasında üçüncü yer uğrunda oyun başlayıb.

Publika.az xəbər verir ki, qarşılaşma Bakı vaxtı ilə saat 19:00-da start götürüb.