İdman

Neymar mətbuat konfransını pozdu: Ona zəng etdi və... - VİDEO

4 Noyabr 2024 14:15

Braziliya B Seriyasının 35-ci turunda "Santos"un baş məşqçisi Fabio Karillenin "Vila Nova" üzərində 3:0 hesablı inamlı qələbədən sonra təşkil edilən mətbuat konfransı zamanı maraqlı məqam yaşanıb.

Publika.az xəbər verir ki, jurnalistlərlə söhbət edən hücumçu Gilyermeyə zəng gəlib. Məlum olub ki, bu, məşhur braziliyalı hücumçu Neymardır. Səudiyyə Ərəbistanında çıxış edən “Əl-Hilal” forvardı komandanı A Seriyasına qayıtmağa daha da yaxınlaşdıran mühüm qələbə münasibətilə təbrik edib.

Telefon danışığı zamanı Gilyerme təsirlənərək Neymarı övladlarına göstərib, daha sonra telefonu məşqçi Karillaya verib. O da öz təşəkkürünü bildirib. Məşqçi, hətta jurnalistlərin Neymar görməsi üçün telefonu kameralara tutub.

Neymarın 2025-ci ilin yayında "Santos"a dönəcəyi ilə bağlı söz-söhbətlər klubun vitse-prezidenti Niko Osvaldonun açıqlamalarından sonra xeyli güclənib. Bu sözlərə baxmayaraq, klub prezidenti Marselo Teyşeyra məlumatı təsdiqləməkdən yayınmağa çalışır: “Neymarın qaytarılması ilə bağlı rəsmi razılaşma yoxdur, bu müzakirə müxtəlif səviyyələrdə aparılır”.

“Santos” 65 xalla B Seriyasının turnir cədvəlinə başçılıq edir. Noyabrın 11-də baş tutacaq növbəti matçda komandanın elitaya qayıtması rəsmi olaraq təsdiqlənə bilər.

Qeyd edək ki, Neymar "Santos"un formasını geyinib. O, klubun yetirməsidir.

Heybət