İdman

Azərbaycan millisi Fransa səfərində

10 Oktyabr 2025 10:32

Futbol üzrə Azərbaycan milli komandası bu gün növbəti matçına çıxacaq.

Publika.az xəbər verir ki, yığmamız DÇ-2026-nın seçmə mərhələsi çərçivəsində səfərdə Fransa ilə üz-üzə gələcək. “Park de Prens” stadionunda keçiriləcək oyunu Norveçdən olan hakimlər briqadası idarə edəcək. Qarşılaşma Bakı vaxtı ilə saat 22:45-də başlayacaq.

Xatırladaq ki, millimiz bu seçmə mərhələnin ilk turunda İslandiyaya səfərdə 0:5 hesabıyla uduzub. Ukrayna yığması ilə ev oyununda isə 1:1 hesablı heç-heçə qeydə alınıb.

Fransa yığması isə seçmə mərhələyə uğurlu başlayıb. Didye Deşamın rəhbərlik etdiyi kollektiv Ukrayna (2:0) və İslandiya (2:1) ilə oyunlardan qalib ayrılıb və hazırda 6 xalla vahid liderdir. Millimiz isə 1 xalla qrup sonuncusudur.

DÇ-2026-nın seçmə mərhələsi, D qrupu
10 oktyabr

22:45 Fransa – Azərbaycan
Baş hakim: Rohit Saqqi (Norveç).
Paris. “Park de Prens” stadionu..

Heybət