İdman

Alonso "Real"ın tarixinə anti-rekordla düşdü

13 Yanvar 2026 15:58

Ötən gün “Real”dan ayrılan Xabi Alonso komandanın baş məşqçisi kimi son 16 ildə 30-dan çox oyun keçirib heç bir titul qazana bilməyən ilk mütəxəssis olub.

Publika.az xəbər verir ki, bu barədə "Squawka" məlumat yayıb.

Sonuncu dəfə belə bir göstərici 2009/10 mövsümündə Manuil Pelleqriniyə məxsus idi. Çilili mütəxəssis həmin mövsümü titulsuz başa vurmuşdu.

Alonso 2025-ci ilin yayından etibarən “kral klubu”na rəhbərlik edirdi. Tərəflər arasında müqavilə qarşılıqlı razılaşma əsasında ləğv olunub. İspan mütəxəssisin “Real”dakı son oyunu İspaniya Superkubokunun finalında “Barselona”ya 2:3 hesablı məğlubiyyət olub.

44 yaşlı çalışdırıcının rəhbərliyi altında “Los Blankos” ümumilikdə 34 oyun keçirib. Bu görüşlərin 24-də qalib gəlib, 6-da məğlub olub, 4 oyun isə heç-heçə ilə yekunlaşıb.

Madrid “Real”ının yeni baş məşqçisi isə Alvaro Arbeloa olub.

Heybət