İdman

“Qalatasaray” rəsmisi Milana yollandı: Ona görə 35 milyon təklif edəcəklər

13 Yanvar 2026 16:46

“İnter” klubunun və İtaliya millisinin yarımmüdafiəçisi Davide Frattezi “Qalatasaray”a keçməyə yaxındır.

Publika.az xəbər verir ki, bu barədə jurnalist Oraçio Akkomando məlumat yayıb.

Yaxın vaxtlarda Türkiyə təmsilçisinin İtaliya klubuna rəsmi təklif göndərəcəyi gözlənilir. “Qalatasaray”ın vitse-prezidenti Abdulla Kavukçu artıq danışıqlar aparmaq üçün Milana yollanıb.

Məlumata görə, “sarı-qırmızılar” Frattezi üçün 35 milyon avro məbləğində məcburi satınalma şərti ilə yarımillik icarə təklif edəcək. “İnter”in bu təklifi qəbul etməsi ehtimal olunur. Daha əvvəl İstanbul klubu məcburi olmayan satınalma opsiyası ilə icarə variantı təklif etmişdi, lakin bu formul qarşı tərəfi qane etməmişdi.

Cari mövsümdə Frattezi bütün turnirlərdə “İnter”in heyətində 15 oyuna çıxıb və 2 məhsuldar ötürmə ilə yadda qalıb. Kristian Kivunun baş məşqçi postuna təyin olunmasından sonra 26 yaşlı yarımmüdafiəçi daha az oyun praktikası almağa başlayıb.

Heybət