Hökumətin qərarı ləğv edildi: Ulduz futbolçu milliyə qayıdır

Qabon Futbol Assosiasiyası Afrika Millətlər Kubokundan erkən kənarlaşdırıldıqdan sonra milli komandaya tətbiq edilən hökumət tədbirlərinin ləğv olunduğunu və Pyer-Emerik Obameyanqla Bruno Manqa qarşı sanksiyaların aradan qaldırıldığını açıqlayıb.

Publika.az xəbər verir ki, sanksiyalar komandanın qitə çempionatında qrup mərhələsində mübarizəni vaxtından əvvəl dayandırmasından sonra tətbiq olunmuşdu. Yenidənqurma çərçivəsində bütün məşqçilər korpusu buraxılmış, həmçinin Obameyanq və Manqanın milliyə çağırılmasına qadağa qoyulmuşdu.

Federasiya bildirib ki, bazar ertəsi günü milli komandanın fəaliyyətinin dayandırılması ilə bağlı hökumət tədbirləri, eləcə də iki futbolçunun kənarlaşdırılması ləğv edilib. Bununla yanaşı, komandanın bütün məşqçilər heyətinin istefası qüvvədə saxlanılıb.

“Milli komandanın Afrika Millətlər Kubokundakı qənaətbəxş olmayan nəticələri ilə əlaqədar onun fəaliyyətinin dayandırılması barədə hökumət tədbirləri, eləcə də Pyer-Emerik Obameyanq və Bruno Manqanın kənarlaşdırılması ləğv edilib”, – deyə açıqlamada bildirilib.

Heybət