İdman

"Real" Mourinyonu geri qaytarır? - ŞOK İDİDA

14 Yanvar 2026 17:10

“Real”ın prezidenti Florentino Peres Joze Mourinyonu kluba qaytarmaq barədə düşünür.

Publika.az xəbər verir ki, bunu jurnalist Alfredo Relanyo iddia edib.

Onun sözlərinə görə, Florentino Peres artıq əvvəlki qədər uğurlu deyil və son vaxtlar verdiyi qərarların əksəriyyəti uğursuz alınıb. Jurnalist qeyd edib ki, ictimai rəy açıq şəkildə Xabi Alonsonun tərəfində olub və hər kəs onun bu prosesdə yaşadıqlarını canlı şəkildə görüb.

“Alvaro Arbeloa insanlara ilham verən fiqur deyil. Onun əsas məqsədi Mourinyonu geri qaytarmaqdır. Hazırda Joze "Benfika"da qalmaqal yaratmasının səbəbi də məhz budur ki, onu oradan qovsunlar. Joze Mourinyo Florentino Peresin indiyə qədər həqiqətən razı qaldığı yeganə məşqçi olub. Onu yenidən "Real"a gətirsə, buna qətiyyən təəccüblənmərəm”, – deyə Relanyo bildirib.

Qeyd edək ki, Joze Mourinyo 2010-2013-cü illərdə Madrid klubunu çalışdırıb və həmin dövrdə klub La Liqa, Kral Kuboku və İspaniya Superkubokunu qazanıb.

Heybət