Bellinqem spirtli içkiyə qurşanıb? - Dostu deyir ki…

“Real Madrid”in yarımmüdafiəçisi Franko Mastantuono Cude Bellinqemin spirtli içki problemi ilə bağlı yayılan xəbərlərə cavab verib.

Publika.az xəbər verir ki, daha əvvəl ispan YouTuber AuronPlay “Real Madrid”in yarımmüdafiəçisinin spirtli içki problemi olduğunu iddia etmişdi: “İspaniyada Bellinqemin getmədiyi bir klub yoxdur. O, spirtli içkiləri çox sevir. Məşq zamanı ondan tər əvəzinə rom axır”.

Bellinqem Çempionlar Liqasında “Monako” ilə oyunda (6:1) qol vurub və onu əllərində bakal tutubmuş kimi qeyd edib.

“İş ondadır ki, bu çətindir. İnsanların dediyi bəzi şeyləri eşitmək çətindir. Cud səhər 9:30-dan axşam 18:00-a qədər məşq meydançasında olan oğlandır. Mən onun dostuyam və onunla çox maraqlanıram. O, “Real”la, işi ilə yaşayan və nəfəs alan böyük ürəyi olan bir insandır.

Aydındır ki, bu, ona zərər verə bilər. Mən həqiqətən onun bayram zamanı nə etdiyini bilmirəm; bunu görmədim, amma o, çox güclü xarakterə malik inanılmaz insandır”, – Mastantuono deyib.