“Ferrari” yeni bolidini təqdim etdi - VİDEO

İtaliyanın Formula-1 komandası “Ferrari” Maranelloda keçirilən yeni mövsümün təqdimatı çərçivəsində 2026-cı il üçün nəzərdə tutulan yeni bolidi – SF-26-nı nümayiş etdirib.

Publika.az xəbər verir ki, məhz bu avtomobildə Lyuis Hemilton və Şarl Lekler 2026-cı il mövsümündə çıxış edəcəklər.

İtaliya komandasının yenilənmiş bolidi tünd qırmızı rəngdə təqdim olunub. Avtomobilin özü də dəyişib. Uğursuz hesab edilən SF-25 modelini SF-26 əvəzləyib. KİV-in məlumatına görə, boliddə arxa asqı sistemi yenilənib ki, bu da maşının stabilliyini artırmalıdır. Bundan əlavə, döngələrə giriş zamanı ön təkərlərin yüklənməsi artıq arxa hissənin qeyri-sabit davranışına səbəb olmayacaq.

Xatırladaq ki, “Ferrari” ötən mövsümü Konstruktorlar Kubokunda 398 xalla dördüncü pillədə başa vurub. Komandanın pilotları Şarl Lekler və Lyuis Hemilton şəxsi hesablamada müvafiq olaraq 5-ci və 6-cı yerləri tutublar – 242 və 156 xal.

Introducing the SF-26. Our 2026 challenger pic.twitter.com/OMcIHjQx7p

— Scuderia Ferrari HP (@ScuderiaFerrari) January 23, 2026