İdman

Məşhur klub satışa çıxarıldı: 6 milyarddan baha olacaq

21 Fevral 2026 02:43

Məşhur “Sietl Sihoks” klubu sahibi tərəflindən satışa çıxarılıb.

Publika.az xəbər verir ki, bu barədə komandanın rəsmi saytında məlumat verilib.

Gözlənilir ki, satışın məbləği 6,05 milyard dolları ötəcək və bu, liqa üçün rekord göstərici olacaq. 2023-cü ildə investor Coş Harrisın rəhbərlik etdiyi konsorsium “Vaşinqton Kommanders” üçün eyni məbləği ödəyib.

Pol Allen 1997-ci ildə “Sihoks”u 200 milyon dollara alıb. Onun 2018-ci ildə vəfatından sonra klubun idarə heyətinin sədri vəzifəsini kiçik bacısı Codi Allen icra edib. Sahibkarın vəsiyyətinə əsasən, komanda satışa çıxarılmalı və əldə olunan gəlir xeyriyyə məqsədilə istifadə olunmalıdır.

Qeyd edək ki, fevralın 8-də “Sietl Sihoks” “Nyu-İnqlend Patroits”i 29:13 hesabı ilə məğlub edərək “Super Boul”da ikinci çempionluğunu qazanıb. Komanda tarixində ilk dəfə 2014-cü ildə bu titulu əldə etmişdi.