Nüfuzlu mükafatın qalibləri açıqlandı: Yamal, PSJ, Kroos...

2025-ci ilin yekunlarına əsasən "Laureus" beynəlxalq idman mükafatının bütün qalibləri müəyyənləşib.

Publika.az xəbər verir ki, təntənəli mükafatlandırma mərasimi Madriddə yerləşən “Sibeles” sarayında keçirilib. Laureatlar mükafatlarını “Cartier” brendi tərəfindən hazırlanmış xüsusi heykəlciklərlə alıblar.

"Laureus" mükafatının qalibləri:

İlin kişi idmançısı: Karlos Alkaras (tennis, İspaniya)
İlin qadın idmançısı: Arina Sobolenko (tennis, Belarus)
İlin komandası: PSJ (futbol, Fransa)
İlin kəşfi: Lando Norris (Formula 1, Böyük Britaniya)
İlin dönüşü: Rori Makilroy (qolf, Şimali İrlandiya)
İlin gənc idmançısı: Lamin Yamal (futbol, İspaniya)
Ekstrim idman növündə ilin idmançısı: Hloya Kim (snoubord, ABŞ)
İdmanda ilham verən şəxs: Toni Kroos (futbol, Almaniya)
Karyeraya görə xüsusi mükafat: Nadiya Komaneçi (gimnastika, Rumıniya)

Qeyd edək ki, "Laureus" mükafatı 1999-cu ildə təsis olunub. Namizədlər idman jurnalistləri tərəfindən müəyyənləşdirilir, qalibləri isə keçmiş məşhur idmançılardan ibarət 50 nəfərlik akademiya seçir.

Müəllif: Heybət