Bu oyuna bir biletin qiyməti 160 min dollardır

“Nyu-York Niks” və “San Antonio” arasında keçiriləcək NBA finalının son iki oyununu izləmək üçün minimum 7500 dollar ödəməlisiniz.

Publika.az xəbər verir ki, bu barədə "The Athletic" məlumat yayıb.

“Madison Square Garden” stadionunun ən ucqar hissəsində - 413-cü bölmədə biletin qiyməti 7517 dollardır. Oyunu ön cərgədən, 12D bölməsindən izləmək istəyirsinizsə, 102.000 dollar ödəməlisiniz.

11D bölməsindəki A sırasında dörd belə biletdən ibarət ayrı paketlər var, birlikdə daha ucuzdur - 651.000 dollar, ayrıca alınsaydı, hər biletin qiyməti 162.944 dollar olardı.

Bilet satışı ilə məşğul olan “StubHub” şirkətinin nümayəndəsi qeyd edib ki, "Bu, NBA-nın müntəzəm mövsüm oyunları və hətta əksər pley-off oyunları üçün görünməmiş tələbat səviyyəsidir".

“Nyu-York” komandasının oyunçusu Coş Hart bilet qiymətləri ilə bağlı vəziyyəti absurd adlandırıb:

"Kaş ki, bilet qiymətləri indiki qədər dəlicəsinə olmasaydı. Düşünürəm ki, uzun müddətdir bu anı gözləyən bir çox insan təəssüf ki, stadiona girə bilməyəcək, çünki ən ucuz biletin qiyməti 7000 və ya 8000 dollardır. Bu, sadəcə absurddur".

Xatırladaq ki, NBA finalının 3-cü oyunu 9 iyunda keçiriləcək. “Niks” finalın ilk iki oyununda müvafiq olaraq 105-95 və 105-104 hesabı ilə qalib gəlib

Müəllif: Tural