Haaland qol vuranda Norveç silkələnib - FOTOFAKT

Çərşənbə axşamı keçirilən Dünya Kubokunda Norveç İraqı 4-1 hesabı ilə məğlub etdikdə, Bergendəki sevinc o qədər güclü olub ki, seysmik ölçmələrə təsir edib.

Publika.az xəbər verir ki, Bergen Universitetindəki seysmometr oyun zamanı yerdə aydın titrəmələri qeydə alıb və ən böyük təsir Erlinq Halandın qol vurduğu anda baş verib.

NORSAR seysmoloji qrupu öz veb saytında bildirib:

“Matçın bir neçə əsas hadisəsi zamanı seysmik məlumatlarda aydın təsirlər görürük və bu, böyük izdihamın yerdə ölçülə bilən titrəmələr yarada biləcəyini nümayiş etdirir”.

NORSAR-ın seysmoloqu Anni Cerkins bunun zaman-zaman baş verdiyini izah edib.

Təsirlərin əlamətləri həm Osloda, həm də Bergendə müşahidə olunub. Ən böyük təsirlər Bergendə müşahidə olunub.

“Bu, ölçmə cihazlarının izdihama yaxınlığı kimi müxtəlif amillərdən asılıdır. Osloda ölçmə cihazı Blinderndə, Bergendə isə şəhər mərkəzində yerləşən universitetdədir. Bəlkə də buna görə ən böyük təsiri Bergendə gördük”, – Anni deyib.

Müəllif: Tural