Ronaldinyo məşhur basketbol klubunu alır

Braziliya millisinin keçmiş futbolçusu Ronaldinyo “Monako” baksetbol komandasının investoru ola bilər.

Publika.az “L’Equipe” nəşrinə istinadla xəbər verir ki, “Monako”nun icraçı direktoru Aleksey Yefimov bazar ertəsi axşamı Ronaldinyo və Andorra investisiya fondu “Clayton Sport”dan mümkün investisiya ilə bağlı niyyət məktubu alıb .

Təklif, “Monako” keçmiş NBA oyunçusu Camal Maşburnun rəhbərlik etdiyi konsorsium “Helen Holdings”lə satı.la bağlı danışıqlar aparıldığını açıq şəkildə təsdiqləməsindən bir neçə saat sonra gəlib.

“Monako” hazırda Maşburnun qrupu ilə danışıqları davam etdirir və Fransa liqasına qayıtmaq üçün lazımi maliyyələşdirməni təmin etməyə çalışır. Lakin Ronaldinyonun potensial investor kimi ortaya çıxması hadisələrin gedişatını əhəmiyyətli dərəcədə dəyişə bilər.

Vəziyyət “Monako”nun 2026/27 Fransa Çempionatından kənarlaşdırılmasına etiraz etmək cəhdləri fonunda inkişaf edir. Klub Fransa Olimpiya Komitəsinə müraciət etmək niyyətindədir və 18 avqusta qədər əsaslarını təqdim etməlidir.

Publika.az