Biz şou-biznesdə yaşayırıq - Platini həmin oyun haqda

Fransa millisinin keçmiş kapitanı və UEFA-nın keçmiş prezidenti Mişel Platini PSJ və “Bayern” arasında keçirilən yüksək qollu oyundan (5:4) niyə məmnun olmadığını izah edib.

Publika.az xəbər verir ki, “L’Equipe” qəzeti Platininin sözlərini sitat gətirib:

“PSJ və “Bayern” arasında Çempionlar Liqasının yarımfinalının 5-4 hesabı ilə başa çatan ilk oyunundan sonra insanlar “əsrin matçı”ndan danışırdılar. Şəxsən mən cavab oyununda 1-1 hesablı heç-heçəyə üstünlük verirdim

Qapıçılar ələk kimidir, müdafiə isə daha böyük deşiklidir. Onlar doqquz qol buraxdılar və biz bunu əsrin matçı adlandırırıq? Biz, həqiqətən də, şou-biznesdə yaşayırıq.

Yaxşı müdafiə performansı, qapıçının əla seyvi – bu, qol vurmaq qədər yaxşıdır. Bundan əlavə, iki milyard insan futbol haqqında danışır və emosiyalarını ifadə edir. Mən sadəcə bu iki milyarddan biriyəm və həmişə haqlı ola bilmərəm”.

Paris komandası ötən mövsüm Çempionlar Liqasının yarımfinalının ilk oyununda Münhen komandasını 5-4 hesabı ilə məğlub etmişdi. Cavab oyunu isə 1-1 hesabı ilə başa çatmışdı.

Publika.az