Premyer Liqada irqçilik qalmaqalı: “Hall”ın yeni transferi bu FOTOYA görə təhqir edildi

“Hall Siti”nin yeni oyunçusu Robinyo Vas müqavilə imzaladıqdan dərhal sonra irqçi təhqirlərə məruz qalıb.

Publika.az xəbər verir ki, 19 yaşlı fransız futbolçu transfer pəncərəsinin son günündə “pələnglər”ə qoşulub və “Roma”dan icarə əsasında İngiltərə klubuna keçib.

Onun transferi ilə bağlı sosial media paylaşımı tez bir zamanda təhqiramiz və ayrı-seçkilik dolu şərhlərlə dolub. Klub hətta oyunçunu təqdim edən paylaşımı silmək məcburiyyətində qalıb.

“Hall” məsələ ilə bağlı sərt bəyanat verib: “Klub sosial mediada yeni oyunçumuz Robinyo Vasa qarşı yönəlmiş iyrənc irqçi təhqiri pisləyir. Heç kim ayrı-seçkiliklə üzləşməməlidir və biz Robinyoya tam dəstəyimizi göstərəcəyik”.

Premyer Liqa da “pələnglər”i dəstəkləyib və oyunçuya qarşı ayrı-seçkiliyə qarşı çıxıb.

“Hall”ın sildiyi paylaşımda nə səhv idi? Vasın fotosundakı fon çox tünd idi. “Hall” Vası təhqir edənlərin məsuliyyətə cəlb olunacaqlarını bildirib:

“Bu çirkin mesajları yayan hesabları müəyyən etmək və məsul şəxsləri məsuliyyətə cəlb etmək üçün Humberside polisi və digər müvafiq orqanlarla birlikdə çalışırıq. Robinyonu ailəmizdə salamlamaqdan məmnunuq və bilirik ki, azarkeşlərimiz onu stadionumuzda meydanda görməyi səbirsizliklə gözləyirlər”.

Publika.az