Yaradıcı insanam, boş dayana bilməzdim - Məleykə Əsədova
Bizi izləyin
Aptekonline

Magazin1

Yaradıcı insanam, boş dayana bilməzdim - Məleykə Əsədova

Yaradıcı insanam, boş dayana bilməzdim - Məleykə Əsədova

Teatrların açılması məni lap çox sevindirdi, bura bizim ikinci evimizdir. İl yarımdır ki, teatrdan uzaq düşmüşdük, səhnə, aktyor yoldaşlarımız, oradakı atmosfer və ən əsası, tamaşaçı alqışları üçün çox darıxmışdıq. 32 ildir ki, teatrda çalışıram.

Bu sözləri Publika.az-a açıqlamasında Xalq artisti Məleykə Əsədova deyib. Səhnə üçün doğulduğunu qeyd edən sənətçi tamaşaçılarla görüşə hazırlaşdığını bildirib:

“Teatr ən çətin incəsənət sahəsidir, biz isə sənət fədailəriyik. İnşallah oktyabrın 1-dən etibarən məşqlərə başlayacağıq və ürək sevinci ilə tamaşaçıların görüşünə gələcəyik. Təbii ki, yeni obrazlar olacaq, həm müharibə, həm də qələbə mövzusuna aid tamaşalar da gözlənilir. Bunun üçün vaxt lazımdır. Amma hələlik repertuarda əvvəlki tamaşalardır.

Əslində, il yarım boş oturmadım. Teatra çıxmadım, amma həm vətən, həm qələbəmiz, həm də sevgi mövzusunda şeirlər səsləndirdim. Yaradıcı insanam, boş dayana bilməzdim”.

Teqlər
Oxumağa davam et
Reklam
Reklam

Gündəm

Aptekonline