Magazin1

Məşhur simalardan Rusiyaya çağırış - VİDEO

24 Fevral 2022 18:25

Rusiya şou-biznesinin böyük hissəsini ukraynalı müğənnilərin təşkil etdiyi heç kimə sirr deyil.

Publika.az xəbər verir ki, sənətçilər Rusiyanın Ukraynaya hücum etməsini kəskin şəkildə qınayıb. Ulduzların bir çoxu sosial şəbəkədə bu barədə paylaşımlar edir.

Vera Brejneva bildirib ki, Ukrayna bu səhər həyəcan siqnalları ilə oyanıb: “Ukrayna sülh ölkəsidir, sülhsevər xalqdır, biz sülh istəyirik, müharibə deyil. Biz müharibəyə qarşıyıq, müharibəyə heç nə haqq qazandıra bilməz. Onu dayandırın”.

Rusiyanın Əməkdar artisti Valeri Meladze videomüraciətlə çıxış edib: “Sizdən xahiş etmək istəyirəm ki, hərbi əməliyyatları dayandırasınız və danışıqlar masasına əyləşəsiniz. İnsanlar razılığa gəlməyi bacarmalıdırlar. Bunun üçün bizə dil verilib. İnsanlar ölməməlidir, bunu dayandırmaq lazımdır”.

View this post on Instagram

A post shared by Valery Meladze (@meladzevalerian)

Şoumen Maksim Qalkin: “Sübh tezdən Ukraynadan olan doğmalarım və dostlarımla əlaqədəyəm! Nə hiss etdiyimi sözlə ifa etmək olmur. Bunu necə etmək olar! Müharibəyə heç bir halda haqq qazandırmaq olmaz! Müharibəyə yox!”.

Ukraynaya daha bir dəstək ukraynalı müğənni Nastya Kamenskidən gəlib: “Ukrayna sülh tərəfdarıdır. Bu çətin günlərdə güclü qalırıq və ölkəmiz üçün dua edirik. Biz Ukraynayıq!”.

Anna Sedokova bu hadisələrin uşaqlarda dərin travmalar qoyacağını qeyd edib: “Uşaqlarımız. Onların gözlərinə necə baxacağıq? Siz hakimiyyətə, pula həris olanlar, qanla qazandığınız brilyantlarınızı hara aparacaqsınız? Müharibəyə yox!”

Aparıcı İvan Urqant instaqram hesabında müharibə əleyhinə şüarlar paylaşıb.