Magazin1

Aysun anası üçün göz yaşı tökdü - VİDEO

3 Noyabr 2025 12:52

Müğənni Aysun İsmayılova anası, tanınmış ifaçı Rəqsanə İsmayılovanın həbsindən sonra ilk dəfə televiziya efirinə çıxıb.

Publika.az xəbər verir ki, o, proqram zamanı duyğusal anlar yaşayıb və göz yaşlarını saxlaya bilməyib.

Aysun bu çətin dönəmdə bəzi həmkarlarının onun yanından olmamasından məyus olub:

"Anam həbs olunandan sonra mənə ən yaxın bildiyim insanlar yoxa çıxdılar. Amma heç bir münasibətimin olmadığı sənət adamları əksinə, dəstək verdilər. Bu, mənə çox təsir etdi".

O əlavə edib ki, yaşadığı hadisə onu daxilən böyüdüb və gücləndirib:

"Hər gün yanımda olan həmkarlarım vardı. İndi isə 10 gündən bir yazırlar. Bu sınaqdan sonra daha güclü bir Aysun var".

Efir zamanı anasına ünvanladığı duyğulu mesaj isə Aysunu kövrəldib:

"Bilirəm ki, bizə baxır. Hər şey yaxşı olacaq".

Xatırladaq ki, bir müddət əvvəl Rəqsanə İsmayılova barəsində hüquq-mühafizə orqanları tərəfindən cinayət işi başlanıb və o, müvafiq qərarla həbs edilib.(Milli.az)