Magazin2

Ardadan xanımına 2 milyonluq doğuş hədiyyəsi - FOTO

2 Noyabr 2018 11:17

Müğənni Berkayı döyməsi xəbərləri ilə gündəmi məşğul edən Arda Turan xanımı Aslıhan Doğana doğuş hədiyyəsi olaraq son model zirehli maşın alıb.

Publika.az Türkiyə mətbuatına istinadən xəbər verir ki, həyat yoldaşı üçün “Mercedes”in son çıxan modeli zirehli G500-ü sifariş edən Turan bu avtomobil üçün təxminən 2 milyon TL ödəyib. İddia edilir ki, son dövrdə aqressiv davranışları ilə diqqət çəkən futbolçu ailəsinin təhlükəsizliyi üçün belə bir avtomobil almağa qərar verib.

Qeyd edək ki, cütlüyün oğlu Həmzə 25 oktyabrda dünyaya gəlib.

Xatırladaq ki, Arda Turan məşhur gecə klubunda Berkayla dalaşdığı gün həyat yoldaşı evdə tək qoyduğu üçün üzr istəmişdi: "Gördüyüm hər şeyi öz vicdanıma açıqlaya bilərəm. Bir tək şey istisna: səbəbi nə olursa olsun, bir neçə gün sonra doğuş etmək üzrə olan həyat yoldaşımı evdə qoyub gecəyarı əyləncə məkanına getməməliydim".