Magazin2

Dünyanın ən zəngin cütlüyü boşanır - FOTO

10 Yanvar 2019 10:09

ABŞ-ın nəhəng e-ticarət şirkəti olan “Amazon”un banisi və rəhbəri Cef Bezos 25 illik həyat yoldaşından boşanır.

Publika.az xarici mətbuata istinadən xəbər verir ki, “Forbes” jurnalının dünyanın "Ən zəngin insanı" kimi qiymətləndirdiyi 54 yaşlı Bezos ilə 48 yaşlı həyat yoldaşı Makenzi Bezos ayrılacaqlarını Tvitterdə elan edib. Açıqlamada deyilir ki, cütlük münasibətlərinə son versə də, dost olaraq qalacaq:

“Bir-birimizi tapdığımız üçün inanılmaz dərəcədə şanslıyıq və evli olduğumuz hər bir il üçün bir-birimizə minnətdarıq. 25 ildən sonra ayrılacağımızı bilsəydik belə, yenə də evlənərdik”.

1993-cü ildə ailə quran Bezos cütlüyü 4 övlad sahibidir.

“Forbes” jurnalı oktyabr ayında Cef Bezosun sərvətini 160 milyard dollar qiymətləndirmişdi. Bununla da o, dünyanın ən zənginləri reytinqində 1-ci sırada yer almışdı.

Teqlər məşhur milyarder