Magazin2

Məşhur musiqiçi həyat yoldaşı haqqında: “Ayrı evlərdə yaşayırıq”

21 Mart 2021 12:58

Dünya şöhrətli musiqiçi Fazıl Say həyat yoldaşı Ece Dağıstanla ayrı-ayrı evlərdə sevgili kimi yaşamağa üstünlük verdiklərini açıqlayıb.

Publika.az “Hürriyet”ə istinadən xəbər verir ki, məşhur cütlük “Magnet Quarterly” jurnalının üz qabığına çəkilib. Jurnala müsahibə verən pianoçu evləndikdən sonra birlikdə yaşamadıqlarını deyib və şəxsi həyatına dair maraqlı açıqlamalar verib:

“Sevgili münasibətlərinə davam edirik. Fazılın evinə hələ də bel çantasına əşyalarımı yığıb gedirəm”, - Ece Dağıstan bildirib.

Fazıl Say hesab edir ki, cütlüklərin ayrı evlərdə yaşaması münasibətləri daha da möhkəmləndirir:

“Qətiyyən sıxılmırıq. Ayrı evlərdə yeni sevgililər kimi yaşayırıq. Hər kəsin öz işi, karyerası, həyat tərzi var”.

Qeyd edək ki, cütlük 2019-cu ildə ailə qurub.