Hadisə “O Səs Türkiyə”dən getdi, yerinə isə...

2011-ci ildən bəri “O Ses Türkiye”də münsiflər kürsüsündə əyləşən müğənni Hadisə müsabiqədən gedib.

Publika.az xəbər verir ki, TV8 kanalında Acun Ilıcalının aparıcılığı ilə yayımlanan “O Ses Türkiye”nin yeni münsifi Oğuzhan Koç olacaq. Bu barədə Acun Ilıcalı “İkinci Sayfa” verilişində qonaq olarkən deyib.

“Hadisə “O Ses Rap”da var. Hadisənin sayəsində rep yarışması uğurlu oldu. “O Ses Türkiye”də Hadisənin yerinə başqasını düşünürük, veriliş əyləncəli olmalıdır. Ebru Gündeşlə artıq anlaşmışıq, buna çox sevinirəm. Bəyazıt Öztürklə Murad Boz münsif kürsüsündə qalmağa davam edəcək. Oğuzhan Koç ailəmizin bir üzvüdü, onu “O Ses Türkiye”yə yaraşdırıram” , - Acun bildirib.

Məlumat üçün bildirək ki, Hadisə ilə müğənni Ebru Gündeş arasında qalmaqal davam edir. Sənətçilər bu barədə heç bir açıqlama verməsə də, Hadisənin Ebrunun hazırda Amerikada olan keçmiş həyat yoldaşı Rza Zərrabla görüşdüyü, hətta hamilə qaldığı və onu təhdid etməsi ilə bağlı xəbərlər yayılır.

Teqlər Müğənni Hadisə Yarışma Rza Zərrab O səs Türkiyə Ebru Gündeş Acun Ilıcalı