Şahzadə Harri ilə Meqan Marklın bütün sirləri üzə çıxacaq

Şahzadə Harrinin dostları onun həyat yoldaşı Meqan Marklın əyləncəli insan olmadığını, ümumiyyətlə əylənməyi bilmədiyini iddia edib.

Publika.az xəbər verir ki, “New York Post” qəzetinin yazdığına görə, Harrinin Eton Kollecindən dostları və Meqan evlənmədən əvvəl tanış olublar. İddiaya görə, Meqan və Harrinin dostları heç vaxt anlaşa bilməyib və bir-birlərini sevməyiblər. Məlum olub ki, Meqan Markl Şahzadə Harrinin dostlarını seksizm, feminizm və transgender insanlar haqqında zarafatlarına görə tənqid edib. Buna baxmayaraq, Harri Meqanla görüşməyə davam etdiyi üçün ona dəli olduğunu deyiblər. Meqanın heç bir yumor hissi olmadığını söyləyən dostları Harrini “krallıq dəlisi” və “ziyafəti ləngidən şahzadə” adlandırıb.

Xatırladaq ki, 2020-ci ildə Britaniya kral ailəsindəki rəsmi titul və vəzifələrini tərk edən Şahzadə Harri (37) və Meqan Markl (40) ABŞ-da məskunlaşaraq fərqli həyat tərzi yaşamağa başlayıb. İngilis jurnalist Tom Boueri “İntiqam: Meqan, Harry” kitabında bu ayrılığın səbəblərini açıqlayıb. Bioqrafik kitab gələn cümə satışa buracxılacaq. Deyilənlərə görə, məhkəmə zalından tutmuş saray siyasətinə qədər cütlüyün dərin gizli sirləri bu kitabda işıq üzünə çıxacaq.