Magazin2

40 yaşlı kinoulduz yeni obrazda - FOTO

31 Oktyabr 2022 15:45

Enn Heteuey Honq Konqun "Vogue" jurnalının noyabr sayı üçün kamera qarşısına keçib.

Publika.az xəbər verir ki, kinoulduzun fotolarını məşhur fotoqraf Daniel Cekson lentə alıb. Obrazlar isə stilist Dena Gianniniyə aiddir. "Şeytan Prada geyinir" filminin ulduzu bənövşəyi "Gucci" gödəkçəsi, sarı "Michael Kors" xəz paltosu və "Chanel", "Carolina Herrera", "Tom Ford", "Valentino" kimi brendlərin digər geyimləri ilə parlaq rəngli obrazlarda görünüb.

Gələn ay 40 yaşı tamam olacaq aktrisa nəşrə müsahibəsində bildirib ki, gələcəyə böyük planları var. Hazırda o, eyni vaxtda bir neçə layihədə iştirak edir. Bunlar cinayət hekayəsindən bəhs edən “Eylin” ekran işi və iki qonşudan bəhs edən “Ana instinkti” filmidir.

Eyni zamanda, Enn həyatının yeni mərhələsində gözləntilərinin çoxunun karyera ilə deyil, ailəsi və sakit həyatla bağlı olduğunu bildirib: "Mümkün qədər özümü təəccübləndirmək istərdim. Daha çox sörfinqlə məşğul olardım. Yaxşı kamera almaq və ondan tez-tez istifadə etməyi düşünürəm. Ailəmlə mümkün qədər çox xatirə toplamalıyam".