Magazin2
"Coldplay"dan İrandakı etirazçılara mesaj - VİDEO
Britaniynın "Coldplay" rok qrupu iranlı aktrisa Gülşiftə Fərahani ilə "Baraye" mahnısını ifa edib.
Publika.az xarici mətbuata istinadən xəbər verir ki, rok qrupunun solisti Kris Martin iranlı aktrisa Gülşiftə Fərahani Buenos-Ayresdə "Baraye" adlı fars mahnısını ifa etmək üçün səhnəyə dəvət edib. Yeri gəlmişkən, pop müğənnisi Şervin Hacıpurun bu mahnısı İranda gənclərin azadlıq və mübarizə himni hesab olunur.
"Biz İranda və hər yerdə azadlıq uğrunda mübarizə aparan bütün qadınları və hər kəsi dəstəklədiyimizi göstərmək üçün bir şey etmək istəyirik. Bu mahnı fars dilində olduğu üçün onu tək oxuya bilmirəm, amma biz onu birlikdə oxuyacağıq", - musiqiçi qeyd edib.
Bu, hazırda Cənubi Amerikada turnedə olan "Coldplay"ın İrana ilk dəstək mesajı deyil. Keçən ayın əvvəlində onlar sosial mediada həmrəylik mesajı ötürüblər: “Azad və dinc yaşamaq hüququnu müdafiə edənlərə və bu hüququn hələ də hər kəsə verilmədiyi bütün yerlərə xüsusi sevgi və hörmətlərimizi göndəririk. Biz, həmçinin Məhsa Əminin də ailəsinə sevgilərimizi çatdırırıq".
Qeyd etmək lazımdır ki, Gülşiftə Fərahaninin 2009-cu ildən amerikan filmində çəkilməsi vətənində xoş qarşılanmadığı üçün İrana gedə bilmir.
Məlumat üçün bildirək ki, Bella Hadid, Rami Yusif, Ancelina Coli də daxil olmaqla, Əminin ölümünü pisləyən və ailəsinə dəstək olan məşhurların siyahısı getdikcə genişlənir. Bir çoxları etirazlara dəstək məqsədilə səhnədə və sosial şəbəkələrdə saçlarını kəsdiriblər.
Xatırladaq ki, İranda sentyabrın 16-sı 22 yaşlı Məhsa Əmininin əxlaq polisi tərəfindən zorakılığa məruz qalması və bir neçə saatdan sonra xəstəxanada vəfat etməsi ölkədə ictimai-siyasi vəziyyəti gərginləşdirib. Bunun ardınca ölkədə kütləvi etiraz və iğtişaşlar baş verib. Aksiyalar zamanı hüquq-mühafizə orqanlarının əməkdaşları etirazçılara atəş açıb.
-
İdman15:00
Bütün Avropa bu qızları axtarır - FOTOLAR
-
Sosial14:55
“İpoteka haqqında” Qanuna dəyişiklik edildi: Kimlərə sərfəli olacaq?
-
Hadisə14:08
Bakının mərkəzində özünü binadan atan 37 yaşlı kişi şirkət işçisi imiş - FOTOLAR
-
Sosial13:18
Azərbaycanda uşağa görə bu ailələrə 435 AZN pul veriləcək - RƏSMİ
-
Sosial13:06
Sabah yağış yağacaq, külək əsəcək - PROQNOZ
-
Sosial12:30
Bakının bu qəsəbəsində hamı evini satır - 25-30 min...
-
Sosial11:35
Bakıda yanan TIR-da yatan sürücü son anda XİLAS EDİLDİ - VİDEO
-
Cənubi Qafqaz09:50
Paşinyan 1000-dən çox xüsusi təyinatlını sərhədimizə göndərdi - Nə baş verir?